Մեր մասին

Մեզ մոտ յուրաքանչյուր ծաղիկ պատմում է զգացմունքների մասին։

Ահա արդեն 16 տարի «Էնի Ռոուզ» ծաղկի և հարսանյաց սրահը գործում է այս գաղափարով՝ կյանքի կոչելով իր հաճախորդների ամենանուրբ ու երազելի ցանկությունները։

Մեր պատմությունը սկսվել է դեռևս 2009 թվականին, երբ հիմնադիրը՝ երկու դույլ ծաղիկներով ու մեծ հավատով որոշեց մեկնարկել գեղեցկության ու ոգեշնչման մի նոր պատմություն։ Նպատակասլացության և համախմբված թիմի շնորհիվ «Էնի Ռոուզ»-ը շատ արագ դարձավ այն վայրը, որտեղ ծաղիկները խոսում են, իսկ յուրաքանչյուր արարողություն վերածվում է անմոռանալի հիշողության։

Սրահում Ձեզ սպասում են յուրօրինակ փնջեր, նրբաճաշակ կոմպոզիցիաներ, շքեղ հարսանյաց զգեստներ ու աքսեսուարներ, ինչպես նաև ամանորյա ձևավորման բացառիկ հավաքածուներ։

Մենք համոզված ենք, որ գեղեցկությունը պետք է լինի հասանելի յուրաքանչյուրին. հենց այդ պատճառով մեր ծառայությունները հասանելի են ինչպես տարբեր նախասիրություններ, այնպես էլ տարբեր բյուջեներ ունեցող հաճախորդների համար։

Երևանի գողտրիկ փողոցներով քայլելիս, երբ հանդիպեք «Էնի Ռոուզ» սրահի ջերմ ու հմայիչ անկյունը, մոտեցեք վստահորեն ու ներս մտեք։ Այստեղ Ձեզ կսպասի հոգատար մի թիմ՝ նվիրելով բույրերի անուշահոտ համադրություն և մեկ փունջ ժպիտ՝ Ձեր օրը լուսավորելու համար։

Մեզ հետ Ձեր երազանքները ստանում են իրենց յուրահատուկ երանգներն ու բույրը։

Ձեր լավագույն ընտրությունը ծաղիկների աշխարհում