Ազատություն տվեք ձեր մտքերին, դրանք ունեն իրական դառնալու բոլոր շանսերը: Իր գործունեության հիմքում դնելով այս սկզբունքը՝ <<Էնի Ռոուզ>> ծաղկի և հարսանյաց սրահն արդեն 8 տարի է, ինչ կյանքի է կոչում իր հաճախորդների ամենայուրօրինակ ցանկությունները: Խանութ-սրահը հիմնադրվել է  2009թ.-ին, ինչպես հիմնադիրն է նշում, ընդամենը երկու դույլից: Քրտնաջան աշխատանքնի և հրաշալի կոլեկտիվի ընդհանուր ջանքերի շնորհիվ, կարճ ժամանակ անց, խանութ-սրահը դարձավ ծաղկի վաճառքի, հանդիսությունների ձևավորման և հարսանյաց հանդեսների կազմակերպման առաջատար կազմակերպություններից մեկը Հայաստանում: Խանութ-սրահում կարող եք գտնել յուրօրինակ փնջեր, կոմպոզիցիաներ, հարսանյաց շքեղ զգեստներ և պարագաներ յուրաքանչյուր առիթի համար, ինչպես նաև ամանորյա զարդարանքի չկրկնվող նմուշներ:  Սրահում մշտապես առկա է և՛ թանկարժեք և՛ մատչելի տեսականի, քանզի մեր որդեգրած սկզբունքներից է, որ յուրաքանչյուր հաճախորդ գեղեցիկով պարուրված և բարձր տրամադրությամբ հեռանա սրահից:    Գտնվելով քաղաքի սրտում՝ խանութ-սրահը գրավում է՛ երևանցիների և՛ քաղաքի հյուրերի ուշադրությունը՝ պահպանելով վարդագույն քաղաքի կոլորիտն ու վայելչագեղությունը:    <<Էնի Ռոուզ>> ծաղկի և հարսանյաց սրահի աշխատակազմը ոչինիչ չի խնայում սրահի վաստակած հեղինակությունն ու համբավը բարձր պահելու և Երևանի այս գողտրիկ անկյունը  մշտապես գույնով ու բույրով լցնելու համար: